الشقة والبنك وأنا وأنت

الشقة والبنك وأنا وأنت ..... ياجدع

دكتور فوزي في يوم كان بالبنك وجد إعلان في البنك باسم الدكتور فوري إنه كسب شقة وإن البنك دايخ السبع دوخات عشان يقابل الدكتور فوري ويسلمه مفاتيحها وعقدها
قرأ الدكتور فوزي الاعلان وقال أروح أبشر الدكتور فوري صحبي اللي بيظبطني ويبقي ليه الحلاوة
قابل الدكتور فوزي الدكتورفوري وقال له يا دكتور البنك بيدور عليك وبيتصل بيك لأنك كسبت شقة وعايز يسلمها لك فقال له الدكتور فوري تصدق سمعت الموضوع ده حاضر هابقي أروح لهم ( الرجل عرف بس مش فاضي يروح يستلم الشقة ولا فاضي يرد عليهم في البنك )
والسؤال اللي بطرحه علي سيادتكم هل لو أراد البنك تسليم الشقة والعقد للدكتور فوري
هل يقطع البنك كشف عادي ولا مستعجل ولا فوري
!!!!!!!!!!!!!!!!!

دكتور فوري ودكتور فوزي

دكتور فوري صديق للدكتور فوزي
وكله لابس بالطوا أبيض
الدكتور فوزي في يوم احتاج الدكتور فوري في عملية من جنس عملياته اللي هوه شاطر فيها ، حدد معاد وراح المستشفي ( اللي نسايبه إصحابها ) وراح الدكتور فوري فاتح ومخيط ومزبط تمام التمام
طيب دكتور فوزي يقول للدكتور فوري حسابنا كام يا دكتور ( الحساب مع الدكتور وليس المستشفي والدكتور هوه اللي بيحاسب المستشفي) عيب يادكتور فوزي ويهرب منه
يضغط عليه الدكتور فوزي لأ لازم
هات ترابنتاشر يدفع دكتور فوزي الترابنتاشر اللي طلبهم دكتور فوري
ويلعب الفأر في عبه فيروح لنسايبه يسأل هو الدكتور حاسبهم علي كام عشان يعرف مقادر الواجب اللي عمله معاه الدكتور فوري
تخيل يكون إيه اللي حصل
يرد نسيبه ويقول ده ظبتك أخذ  منك أكثر مما يأخذ من الناس العادية في مثل تلك العملية
مش بقول لكم البالطو الابيض للأسف لم يعد أبيض

دكتور فوري

دكتور فوري

دخلت مرة أكشف عند الدكتور فقالوا لي إن هناك ثلاث أنواع من الكشوفات فتحت بقي علي آخره وقلت هه ، هناك ثلاث أنواع من الكشوفات
قالت الممرضه أه نعم
قلت لها قولي لي الفرق
فقالت هناك كشف عادي تحجز وتدخل لما يأتي دورك
قلت لها هذا جيد
وقالت لي هناك كشف مستعجل تحجز وتدخل بعد ثلاث أو أربع حالات
قلت لها طيب ماشي
وقالت وهناك كشف فوري تحجز وتدخل علي الدكتور علي طول
وطيب ياستي وده بكام وده بكام وده بكام
قالت لي الأسعار
 وتشعر وإنت بتقرأ الاسعار إنها أسعار بورصة لندن وياتلحق تكشف علي هذه التسعيرة يا تفوتك الفرصة علي طريقة إخوانا بتوع أخبار البورصة آخر فرصة لأخذ كوبون شركة كذا

المهم كان هناك 3 أو 4  مرضي قلت خليك عادي
تقعد تستني دورك يجي أبداً وكل شويه يجي واحد أو اتنين وتقولك الست الممرضة دول كانوا حاجزين ، لو إنت مكاني تعمل إيه
هل تخليك عادي
ولا تخليك مستعجل
ولا تخليك فوري
آه ياني من البالطوا الأبيض اللي مش أبيض